Post on 27-Oct-2020
Esaki ta un avanse (preview) di e buki.
ii
Hink’é aden!
Lionel N. Spratt
iii
Hink’é aden!
Copyright © 2018 Lionel N. Spratt
Tur derechi reservá.
E buki aki—ni nada di su kontenido—no por keda fiá, kopiá, fotokopiá
òf di un òf otro manera reprodusí sin outorisashon por eskrito di e
outor.
Kòrsou (Curaçao) Mei 2018
ISBN: 978-3-7439-9076-0
Foto portada: Aymar Profas
Dama riba portada: Ydellienne Heerenveen
Publikashon: Lionel N. Spratt
Imprimí na: U.S.A.
Preis di benta por menor: Fl. 50,-
Kontenido
Danki! .......................................................................... iv
PROMESA! ......................................................................8
Sera konosí! ....................................................................9
1. Hink’é aden! ............................................................... .15
2. Welkom in Nederland! ................................................. .30
3. Cubaweg! ................................................................... 40
4. Hinka kiko aden? ........................................................ .45
5. Desi, nèt abo? ............................................................ .53
6. Moet ik echt ‘inchecken’? ............................................. .61
7. ‘Weekendje bij vriendinnetje!’ ...................................... .69
8. Ten’é entre ami ku bo! ................................................ .78
9. Sòri dushi, ik heb geen speshi! .................................... .87
10. Reunion ku Dios ........................................................ .98
11. Hende muhé ta hodedó! ............................................ 106
12. Kiko ta hasi hende muhé felis? ................................... 118
13. Hende hòmber .......................................................... 121
14. Mi tin hopi speshi! .....................................................124
15. Gois i su kachónan! ............................................................. 131
16. Kapítulo grátis! ................................................................... 137
17. Kapítulo sin nòmber ............................................................. 142
18. Dikon e muhé ta keña asina? ................................................ 145
19. Loke a pasa entre ami i Ydellienne! ....................................... 151
20. Di unda mi inspirashon ta sali? .............................................. 154
21. Último kapítulo ................................................................... 158
E. Otro bukinan skibí pa Lionel Spratt ......................................... 160
1. Hink’é aden!
Ora bo a mira e nòmber di e buki aki, kiko bo a pensa? Lo bo
tabata puntra bo mes, “Hinka kiko aden?” òf no? Wèl, pa mi ta
sinsero ku bo, mi a skibi e buki aki, i despues mi a haña mi pegá
ku eskoho di un bon título p’e buki. Normalmente ora mi skibi
buki, e título ta drenta mi kabes fásil, pero e bia aki nò. Diferente
título a drenta mi kabes, pero niun no tabata sinti dushi. Bo sa
mané ora e kos ta aden, bo ta sa ku e ta aden, pasó e ta sinti
dushi? Awèl, asina, e nòmbernan no tabata sinti dushi.
En prinsipio mi tabata ke un nòmber kòrtiku i simpel, pa motibu
ku hende ta muchu floho pa pronunsiá nòmbernan largu. Por
ehèmpel mi buki “Awa, Habon ku Past’i Djente”, niun hende no ta
lesa e nòmber kompletu. Sea nan ta bisa “Awa, Habon”, òf nan ta
yam’é “Past’i Djente”. Mi no gusta pa hende duna mi bukinan
nòmber di kariño.
Pues mi a pensa ku un bon título pa mi buki lo ta “Historianan
bèrgonsoso ku a pasa mi durante mi biahe pa Hulanda i mi bishita
na demas paisnan oropeo.”, pero mi ta haña ku e ta divulgá
muchu kos.
Despues mi a pensa ku un bon título lo ta “E buki sin título, pasó
skohementu di título ta dunando mi doló’i kabes.” Pero mi a haña
ku no ta korekto pa saka un buki i dun’é un título sin título. Bo ta
komprondé?
En realidat, skibiment’i buki ta algu hopi difísil. E no ta difísil
manera hasi un muhé felis òf purba pishi den pòchi di wc mientras
bo tin un erekshon, pero e ta segun ami e di tres kos mas difísil
na mundu.
(Esaki ta un avanse (preview) di e buki.)
3. Cubaweg!
Situashon ekonómiko na Venezuela ta trese vários venezolano na
Kòrsou ku ta bin buska un mihó bida. Anto mayoria hende muhé
venezolano ta bin kaba den prostitushon. Na Kòrsou tin un sitio
bastante konosí den Cubaweg, kaminda e damanan aki ta laborá.
Bo por drenta e lugá aki, dal dos drinks, kòmbersá ku e damanan i
si bo gusta un, bo ta bai kuné bai pasa un ratu plasentero.
Tur hende sa ku hende hòmber ta mashá kachó kayente, anto ami
no ta un eksepshon. Tur hende sa tambe ku sèks ku un prostituta
ta hopi mas barata kompará ku sèks ku un muhé normal. E
prostituta ta kobra den mayoria kaso sinkuenta florin pa mei ora, i
si e ta haña bo agradabel, e por bai un ora trankil ku bo. Un muhé
normal ta kuminsá eksigí p’e kos bai slou. Bo tin ku kòmbersá
kuné promé, despues invit’é bai sali, bai restorant, bai Movies i
pasa trùk di pan. Tin bia bo tin ku asta hunga ròl sera konosí ku
famia i su yunan, gaña nan ku bo ta interesá pa algu serio, i pa
despues drenta matrimonio èts. E kos ei ta un molèster i ta hopi
kostoso. Pues un prostituta den hopi kaso ta ideal, ménos
molèster i barata.
Campo Alegre mi a yeg’i bai hopi kaba, pues pa variashon, m’a
disidí bai tèst un di e damanan latina di Cubaweg. Mi a drenta e
lugá, kana rònt, dal dos drinks, keda wak rònt wak kua mi gusta,
te ora mi a mira esun di mas bunita den e lugá. E tabata un dama
sumamente atraktivo, haltu, kabei largu pretu, tete real i ku bon
sanka. Mi a yam’é ku mi wowonan i el a sa di tende di mi. Mi a
sinti un konekshon speshal entre ami kuné. El a bin serka mi,
puntra mi nòmber i el a bisa mi ku e yama Camila. Asina nos
kombersashon a sigui, i mi a mira ku e ta un dama super
inteligente. Mi a bai kuné pafó, i einan nos a sigui kòmbersá,
brasa otro, chupa lenga i kada bes e nivel di pashon tabata subi
entre nos. Mi a bis’é ku mi ke bai pasa un ratu plasentero kuné. El
a sunchi mi na mi orea i e di ku mi, “vamos papi.”
(Esaki ta un avanse (preview) di e buki.)
6. Moet ik echt ‘inchecken’?
Transporte públiko ta un kos ku sigur ta hopi bon reglá na
Hulanda. Mi a keda sumamente enkantá ku henter e proseso. Bo
por mira presis kon tur bùs i trein ta kore ‘online’, tantu riba
‘Google Maps’, komo e ‘app’ di NS (Nederlandse Spoorwegen).
Mas ku klaro, e ‘app’ ta kumbiní bo pa uza. Tin un ‘app’ spesial pa
e bùsnan (konvoi) i un ‘app’ spesial pa e treinnan. Bo ta haña tur
klase di informashon zùiver riba e ‘app’, i loke mas mi a gusta ta
ku e bùs i treinnan ta kore na tempu. Si bo ta biba na Kòrsou, i
nunka bo no a yeg’i bai Hulanda, probablemente lo bo no sa kiko
“na tempu” ta nifiká. Na tempu ta nifiká ku si e ‘app’ bisa ku
11:25 e trein ta sali, ta 11:25 e trein ta sali. Bo kana yega presis
11:25, bo ta lat pa e trein ei, pasó ta for di 11:24 bo mester ta
den dje sintá, pa e por sali 11:25. Awó, ami ta un hende
generalmente na tempu. Aki na Kòrsou, ora mi traha un sita ku un
persona pa 11:25, mi ta haña ta aseptabel pa mi kana yega
11:26. Si mi tin un sita ku bo pa 11:25, mi por pordoná bo si bo
kana yega te ku 11:30. Bo kana yega 11:35 AM, ya lo mi tin mal
beis kaba, anto pa 11:40 lo m’a bai laga bo. Esaki ta un di e
motibunan ku ami i Yu’i Kòrsou no ta bai ku otro. Pasó hopi yu di
Kòrsou ta traha sita ku bo 11:25, anto nan ta kana yega 12or riba
bo.
Un bia na Hulanda, mi tabata tin un sita pa kual mi mester a kue
un trein di 11:25. Mi a yega presis 11:25. Esaki ta nifiká ku mi a
yega lat, i e trein a bai laga mi. Te awe mi ta sinti mi malu pa
esei. Despues di e dia ei, mi a sòru pa nunka mas mi yega lat niun
kaminda. E diferensha entre Kòrsou i Hulanda ta, ku yegamentu
trempan na Hulanda ta wòrdu apresiá. Na Kòrsou nò, pasó niun
hende no sa yega trempan tòg te pa nan apresiá ku bo a yega
trempan. Loke si mi no a apresiá na Hulanda ta ku niun hende no
a bisa mi ku mi tin ku paga (òf kumpra karchi) pa trein. Ami
honestamente a kere ku esaki ta un servisio grátis ku Rei Willem
Alexander ta spònser pa tur hende ku tin un pasport Hulandes. Bo
sa kon mi a haña sa ku no ta asina? Laga mi konta bo.
(Esaki ta un avanse (preview) di e buki.)
7. ‘Weekendje bij vriendinnetje!’
Siendo na Hulanda, un kos ku mi tabata warda ansiosamente riba
dje, ta pa mi por a topa ku un gran amiga di mi kende ta Jennifer
Peetes. Jennifer ta un super great persona. Mi a konosé via di
Facebook, i na aña 2014 nos a topa un bia den Punda. Nos a sinta
papia pa mas o ménos dos ora, i despues di esei, nunka mas mi
no a mir’é. Pero, estando na Hulanda, el a invitá mi bin keda un
wikènt serka dje i su kasá, i ami mas ku klaro no a ninga.
Mei mei di tur e hendenan ku mi a topa na Hulanda, Jennifer
tabata un ku a duna mi hopi bon trato. E ta biba Utrecht, pues mi
mester a kue trein di Maastricht, bai Utrecht. E trep aki ta dura
mas o ménos dos ora den trein—kual mi ta haña ta muchu. Mi
tabata asina ansioso ku mi no por a sinta ketu den trein. Mi tabata
puntra mi mes dikon e shofùr di e trein tabata kore poko poko
asina. Mi ke men ku outo mes mi ta kore riba 100 kilometer pa
ora kasi tur kaminda. Kon bin un trein ta kore 120 kilometer pa
ora so riba un via di trein ku ta e so ta okupá? Si ami tabata
shofùr di e trein, lo mi a manda e kos ei riba 200 kilometer pa ora.
Mi no ta kere niun hende lo a reklamá ku mi a pone nan yega mas
trempan na nan destinashon.
En todo kaso, tabata promé bia ku mi a bai Utrecht i mi a sinti un
friu inmenso mesora. Manera mi a komprondé, suidatnan mas
pariba di Hulanda ta hopi mas friu ku e suidatnan mas abou. Pero
manera mi a drenta kas di Jennifer, mi a sinti mi den shelu. Su
kas aparentemente tin un ‘verwarmer’ den e flur. Jennifer semper
a tende mi ta reklamá ku Hulanda ta friu, pues el a sòru pa su kas
tin un temperatura masha dushi mes, pa mi sinti mi kómodo.
(Aunke su kasá tabata sinti kalor i tabata kana ku un saku di eis
na su webunan pa tene nan ‘cool’.) Awó ami a kere ku ta abou na
suela lo mi tin ku drumi, pasó tur kaminda ku mi a bai, ta abou na
suela nan a pone mi drumi, i ademas di esei, nunka e no a bisa mi
ku e tin un ‘guestroom’. Logá, e tabata tin un kamber kla prepará
p’ami, ku kama di dòbel persona, kamber grandi, espasioso,
masha bunita mes. Den e kamber tabata tin televishon pa mi wak,
bela aromátiko pa duna e kamber un ambiente di pas, DVD di
pòrno, i algun revista di playboy riba mi kusinchi. Mi a keda ègt
asombrá. Ta un ‘stripper’ so tabata falta pa entretené mi.
Despues di a kab’i aklimatisá den kamber, mi a pasa mesora pa
kushina. Su frishidèr no tabata kargá ku kuminda, pero tabata tin
sufisiente fruta pa mi a basilá riba dje. Awó Jennifer ta un hende
ku gusta papia. E ta bisa ku nò, pero bo tin ku simplemente bis’é
“Bon Dia”, i e so ta keda papia fo’i mainta te ora luna pasa den tur
su ocho fasenan. Pero ami no a wòri. Miéntras e tabata papia, mi
tabata kome tur su frutanan den frishidèr. Den e kosnan ku e
tabata papia, el a bisa mi kiko ta e programashon ku el traha pa
djasabra. Sin puntra mi, el a traha sita ku un amigu di dje pa nos
bai sinta kome na Amsterdam. Mi a haña great di dje si ku el a
atvertí su amigu ku mi ta introvèrt, pues ku ora mi kansa, mi ta
‘get’. Úniko kos ku mi a bisa Jennifer ta ku mi ke bai De Wallen,
mihó konosí komo Red Light District. Akinan ta kaminda ku tin
muhénan prostituta den kashi di glas. Mi a atvertí Jennifer ku si mi
mira un ku ta ‘leuk’, e lo tin ku diskulpa mi un ratu, pa mi bai
ching’é. El a bisa mi, “No ta problema.”
(Esaki ta un avanse (preview) di e buki.)
Manera nos a yega De Wallen, mi a bira kontentu—porfin algu
interesante pa mira. Mi mester bisa ku Amsterdam ta un suidat
sumamente drùk, i tabata tin masha hopi hende—tantu hende
hòmber komo hende muhé— ta kana ta wak e muhénan. Mi tin ku
bisa ku tur suidat ku mi a bai, mi a saka mas tantu potrèt posibel
di kosnan ku ami a haña interesante. Un di e promé kosnan ku mi
a mira na De Wallen ta bòrchinan ku ta bisa ku telefòn i kámara ta
prohibí. Wèl, mi no por a kana ku mi kámara den mi man, pero
niun hende no por prohibí mi di tin mi telefòn den mi man. Promé
kos ku mi a ripara ta ku e lugá no ta manera Campo aki na
Kòrsou.
(Esaki ta un avanse (preview) di e buki.)
8. Ten’é entre ami ku bo!
Loke mi ta bai konta bo aki, ta algu sumamente privá. Mi ta bai
konta b’e solamente pasó nos ta bon ku otro, i mi ta konfia bo.
Pero mi ta spera ku despues ku bo lesa e kos aki, bo tene e
historia pa bo mes, i ku nunka mas nos lo trata e tema. Si bo
primintí mi esaki, lo mi konta bo loke a pasa mi na Alemania.
Un bia mas tene kuenta mi no ta bai uza lenguahe bunita. Pues si
bo no ke pa Dios gara bo ta lesa kos ku lo por hiba bo fièrnu,
mihó bo dal e buki aki sera aworakí.
Un di e kosnan ku mas mi ke a hasi na Oropa ta bishita un ‘sex
club’ òf un ‘swingersclub’ pasó mi ta un hòmber hopi kayente i mi
gusta.....mas bien mi stima aventura seksual. Pues mi a pone pa
mi mes ku lo mi no sali Oropa sin bishita un dje lugánan aki i
eksperensiá algu kompletamente nobo.
(Esaki ta un avanse (preview) di e buki. Gran parti di e
kontenido di e buki aki no ta apto pa keda publiká riba
Internet. Pues mi diskulpa si mi no por mustra bo mas kos.
Si bo ke lesa e historianan kompletu, manda mi un
mensahe riba Facebook of email mi na
lionel_326@hotmail.com pa kumpra e buki personalmente
serka mi, òf bishita Mensing’s Caminada pa buska esun di
bo!)