Bendito o que vén no nome do Señor!

O texto bíblico de Mateu fai alusión ao libro do profeta Zacarías:

«Dicídelle á filla de Sión: Mira a teu rei que vén a ti, humilde,

montado nun burro, nun burriño, fillo de animal de carga».

Que significa esta cita?

Afírmase a dignidade real de Xesús, presentado como

o Mesías de Deus esperado polas xentes.

Sublíñase a humildade e a mansedume

dos pobres, que haberían de formar o núcleo

do pobo de Deus.

Xesús entra na cidade sobre a montura

que usaban os antigos príncipes da súa terra.

A «filla de Sión», Xerusalén, habería de alegrarse

pola chegada do seu Rei e Señor.

Con ela se facía visible a visita de Deus ao seu pobo.

Era a manifestación da graza e da misericordia de Deus.

Ese é o grito da multitude

que acompaña a Xesús.

El era en verdade

o enviado de Deus.

Con este grito acollíase

ao peregrino por excelencia.

Ao que viña ofrecer

o camiño para a santidade.

En todas as relixións

hai un atisbo do Absoluto.

Esta aclamación dirixida a Xesús,

distingue os cristiáns

dos demais crentes.

Pero recoñecer a Xesús como o «enviado»

de Deus é a clave da fe cristiá.

O cristián recibiu a luz para recoñecer en cada ser

humano a alguén que vén a el no nome de Deus.

Acoller o enviado é un signo de fe

que nos une ao que o envía.

Señor Xesús,

ti vés a nós como

mensaxeiro

da paz.

Que a túa visita non

nos pase inadvertida.

Que sexa para nós un

signo de graza

e de esperanza.

Amén.

José Román Flecha AndrésPALABRA DEL SEÑOR, Salamanca 2007Presentación: Antonia Castro Panero

Música: Pueri Hebraeorum