Nelsom Santos leva meses sendo investigado por um suposto delito de prevaricaçom por contratar um engenheiro municipal de jeito irregular, assim como por supostas irregularidades nos pagamentos por obras realizadas no Porrinho, que poderiam ascender a 4.000.000 de euros.

Nada disto nos pode surpreender. Os principais partidos do regime (PP e PSOE) som maquinárias corruptas. Lamentavelmente, o Porrinho nom está à margem da corrupçom generalizada implantada entre as forças políticas burguesas e espanholas.

Que hoje Nelsom Santos tenha que estar aqui, nos julgados, é umha evidência de que há maçás podres no nosso Concelho.

Já em 15 de março tivo que declarar o concelheiro de vias e obras, Manuel Carrera, polo suposto pagamento de faturas de obras que nom se realizárom corretamente, ou que ainda nom estariam feitas ou rematadas

Agora, após meses negando-o, em base a permanentes mentiras e enganos, Nelsom Santos tem que declarar nos julgados como imputado.

Por muito que o PP tente branquear-se, por muito que Louzán, Feijó e Rajói afirmem que som casos isolados, todo o mundo sabe que o PP é um ninho de corruptos, onde os seus dirigentes sempre se rodeárom de amizades perigosas. Ainda estám mui frescas as fotografias de Feijó desfrutando no iate de um capo do narcotráfico.

O povo trabalhador do Porrinho nom pode seguir confiando em Nelsom Santos, nem na sua equipa, nem no PP. Nom podemos seguir confiando nas mentiras, obscurantismo e manipulaçons de Nelsom e da sua equipa. Carecem da mais mínima credibilidade. É necessário tirá-los do Concelho. Nom podemos consentir estarmos governad@s por delinquentes. Basta de impunidade!.

NÓS-UP exige umha profunda investigaçom da contabilidade municipal por meio de umha auditoria cujos resultados sejam públicos.

A oposiçom institucional tem o dever de contribuir a tirar o Nelsom e a sua tropa do Concelho. A mobilizaçom social é o melhor mecanismo para consegui-lo.

Mas a regeneraçom democrática do nosso Concelho nom passa por mudar uns corruptos por outros. A erradicaçom da corrupçom passa por umha transformaçom profunda e integral deste sistema que suprima os mecanismos de reproduçom da corrupçom.

O povo trabalhador do Porrinho nom pode deixar-se enganar polos cantos de sereia das falsas medidas de controlo democrático. É hora de sermos nós mesm@s donas do nosso destino. A rutura democrática é umha necessidade. A unidade do movimento popular o melhor mecanismo para lográ-lo.

Assembleia Comarcal de NÓS-Unidade Popular da Lourinha

Porrinho, 5 de abril de 2013

!FORA DO PORRINHO